أحمد شوبير
إسلام أسامة
انتقد الإعلامي أحمد شوبير حالة الجدل والضجيج التي شهدتها الساحة الرياضية خلال الأيام الماضية، مؤكدًا أن الاختلاف أو وجود أخطاء أمر طبيعي، لكن التعامل معها يجب أن يكون بهدف الإصلاح وليس زيادة الأزمات.
وقال شوبير، خلال برنامجه عبر إذاعة «أون سبورت إف إم»: «تعالوا نسيبنا من الرزع والخبط واللي إحنا عايشينه بقالنا 4 أو 5 أيام، عايشين في ضجيج، ويلا ورزقي على الله».
وأضاف: «لو الضجيج ده للصالح العام أنا أول واحد معاك، ولو الهيبصة اللي معمولة دي فعلًا في صالح عام، لكن إحنا حريصين جدًا على لاعيبتنا وإن القصة تبقى جيدة وإن التعامل يبقى كويس، وكل ده إحنا حريصين عليه».
وأوضح شوبير أن انتقاده لا يعني رفض الحديث عن الأخطاء، وإنما الاعتراض على تضخيم الأمور، قائلًا: «أنا ضد إنك تلاقي القصة كلها رايحة كده تخض. لما يكون في غلط، أول ناس نقول ممنوع الغلط، لكن في إيه؟ الموضوع بزيادة وأكتر بكتير أوي».
وتابع: «أنا النهاردة لما أوجه اللوم والعتاب لحد خلاص خلصت، لكن هفضل طول الوقت شغال في اتجاه واحد؟ مفيش أي حد ابن حلال، لو في مشكلة نحلها؟ لا، شعللها شعللها.. هو في إيه؟».
وشدد شوبير على أهمية التعامل مع أي خلافات أو أزمات بهدوء، والبحث عن حلول عملية بدلًا من استمرار حالة التصعيد والجدل.
إخلاء مسؤولية إن موقع بالبلدي يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
"جميع الحقوق محفوظة لأصحابها"
المصدر :" الأسبوع "
