الاستقرار فى مصر امر يحسدنا عليه كل دول جوار.. واحلى حاجه ان الناس فهمت الاعيب مواقع التواصل.. الناس فى مصر على قدر كبير من الوعى والانتباه للمصلحة العامة ودايما نتذكر تحذيرات عزيز مصر لينا وطلبه الدائم منا جميعا ( خليكم ايد واحدة ) و( اشتغلوا وانا معاكم )..
الأمن والحمد لله نفتخر به وخاصة جهود متميزة للأمن الوطنى والأمن العام.. مفيش مشاكل نهائى رغم محاولات بعض المغرضين ومفيش حد بيغلط الا ويتجاب فورا وف كل ازمة بيكونوا ( ف مسافة السكة ).. وتحيا مصر ام الدنيا.. لكن هناك أمور نتمنى زيادة التركيز معها.. لدعم رغبات الناس وزيادة حبهم وثقتهم وكسب عاطفتهم وهى أمور لا تكلف كثيرا لكنها معنويا ح تعمل فرق كبير.. 

١- فى الرياضة وخاصة كرة القدم نتمنى..دعم  النزاهة والعدالة وعدم التمييز بين الفرق والألوان.. والاهتمام بالفرق التى تمثل قوه ناعمه لمصر وتمثل دعم لجهود الدولة وعدم استثارة جماهير تلك الفرق.. نتمنى كسب جماهير الفرق الكبرى. الجماهير دى دعم وسند للدولة فى كل الاوقات وبلاش ييجى مستثمر يزعل الاخوات وولاد العم من بعضهم.. 

٢- فى مجال الأمن ضرورة ترخيص التوكتوك والتروسيكل لأنه مش معقول ياخدوا بنزين وسولار مدعمين وهم مش ليهم ترخيص.. هل تدعم الدولة كيان التوكتوك والتروسيكل وليس لهم مستندات قانونية ؟

٣-  فى التعليم.. الشباب عايز  فرحه.. الشباب سند الدولة وقيادات المستقبل.. الدفعة الخامسة... دفعة الشاطرين.. نتمنى تدخل كل قيادات الحكومة لسرعة تسليمهم العمل بالمدارس.. المدارس محتاجه.. وياريت يستلموا ف اداراتهم.. وكمان شباب الدفعات الأربعة السابقة لازم يعودوا الى اداراتهم طالما فيها عجز.. هل فيه طريقة زى كدا نكسب بيها قلوب الناس بطريقة سهلة وبسيطة ومرضية.. هو فيه فرحه عند الغلابه والبسطاء اكتر من راحة ولادهم وبناتهم.. شباب المعلمين هم ابناء كل الطبقات.. ويا ريت دراسة تطبيق حافز التدريس على الموجهين.. لان هناك عزوف فى بعض التخصصات وبعض المناطق بسبب حافز التدريس.. 

٤- منحة المدارس يا ريس  .. عايزينها السنه دى مرة استثناء.. الظروف صعبة.. وزيادة مرتبات يوليو ضاع اكثر من ربعها استقطاعات معاشات وتأمينات وكسب عمل.. أسوة بمؤسسات أخرى ف الأزهر مثلا يصرف للمعلمين ف رمضان وعيد الأضحى ومناسبات اخرى  .. المنحة يا ريس..

٥ - يا ريت الوزير الشجاع وزير التعليم يتوجه بطلب تعديل تشريعى لقانون الكادر علشان يتم ادراج رؤساء الاقسام فى الادارات والمديريات ضمن كادر المعلمين لوقف الاختيارات العشوائية والمجاملات.. ويا ريت ان يكون رؤساء أقسام التعليم الابتدائي والاعدادى والثانوى يكون من مواد تخصصية وليس أخصائي.. عايزين قيادات تكون عندها خبرة التدريس تتكلم مع المدرس وتتابعه عن خبرة تدريس ومادة علمية..

٦- نتمنى عدم تقليص الدعم واستقراره حنى لو تحملنا كدولة بعض المبالغ الإضافية.. لتثبيت التضخم او تقليصه.. ف تقليص ٤% من الفائدة وترحيل نصف ضيوف مصر إلى بلادهم ح يوفروا لينا كدولة فى ميزان المدفوعات حوالى ٤ مليار دولار وكذلك ح يوفروا ربع تكلفة خدمة الدين.. دا المثل بيقول اللى محتاجه البيت يحرم على......... ف يا ريت اجراءات لانهم سبب من اسباب الغلاء.

٧- مصر فيها انجازات كتير.. ليه م نعملش كتاب او كتيب يحتوى على انجازات مصر.. ليه م يحصلش ده.. ونبيع الكتاب بسعر مدعوم..

٨- لماذا لا نعيد إحياء مهرجان القراءة للجميع او عمل مبادرة جديدة للقراءة وعمل النوادى الصيفية وعمل أنشطة صيفية ومعسكرات الشباب والرياضة بصورة اكثر فاعلية لسحب الشباب والأسر والمجتمع بعيدا عن مواقع التواصل.. مطلوب تفعيل اكبر

٩- الوجوه المستفزه للناس يا ريت كدا تتدخل الأجهزة المختصة فى كل موقع لابعادهم عن مواقعهم.. خاصة فى الادارات والمديريات الخدمية.. حتى لو كانوا مرشدين والأمن مستفيد منهم.