كشفت الدكتورة مي عبد الحميد، المدير التنفيذي لصندوق الإسكان الاجتماعي، طريقة تعامل الدولة مع مشكلة الإيجار القديم، قائلة: «الدولة حطت إطار وتشريع، ومجلس النواب وافق عليه السنة اللي فاتت، وفتحنا تسجيل على منصة مصر الرقمية، وتم فتح حسابات لنحو أكثر من 200 ألف مواطن».
وتابعت مي عبد الحميد خلال مداخلة هاتفية مع الإعلامي مصطفى بكري ببرنامج حقائق وأسرار على قناة صدى البلد: «اللي سجلوا فعليا استمارات 108 آلاف، منهم حوالي 2000 سجلوا عايزين بديل لوحدات تجارية وإدارية، والباقي سكني، وتم غلف فترة التقديم على المنصة في 12 أكتوبر، وسيتم فرز الطلبات لمعرفة من مستحق من عدمه، وإذا كان فيه حد مرفوض هنبعت له رسالة ونتيح له إنه يتظلم من قرار الرفض ويقدم مستندات تؤيد طلبه».
وواصلت: «هنبدأ نرتب الأولويات، وننفذ وحدات في الأماكن اللي الناس ممكن يعني تبقى ساكنة فيها. هو كان هدف الاستمارة إن إحنا نعرف الاحتياجات إيه وفي أي مناطق عشان نقدر ننفذ. إحنا لسه معانا 6 سنين».
وصرحت قائلة: «عقد الإيجار هيبقى له وحدة واحدة بديلة، وعايزة أقول 90% منهم، من سكان وحدات يعني أقل من 80 متر، فده إحنا بالفعل بنعمله ونقدر نعمله وننفذه ونعرضه عليهم يعني. النمط اللي هو الناس اللي يعني اللي بتقول إنها ساكنة في بيوت كبيرة 200 متر و300 متر ومش عايزين نتنقل وكده، الأعداد مش أعداد كبيرة يعني».
واختتمت: «الوزيرة بتطمن الناس ما حدش هيخرج، إحنا بنأكد إنه أكيد ما حدش هيخرج، لإنه القانون بيقول إن فيه مهلة سبع سنوات، فاللي ملتزم بالإيجار حيفضل قاعد الـ7سنوات، وفي نهاية الفترة وفرنا له بديل طالما هو قدم على هذه المنصة».
اقرأ أيضاً
سكن لكل المصريين 9.. موعد غلق الحجز وخطوات الاستعلام عن طلب التقديمآخر موعد لحجز شقق الإيجار التمليكي 2026.. المساحات والمدن المتاحة للتقديم
شقق الإسكان الاجتماعي بالإيجار 2026.. تعرف على الشروط وخطوات الحجز
إخلاء مسؤولية إن موقع بالبلدي يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
"جميع الحقوق محفوظة لأصحابها"
المصدر :" الأسبوع "
