بالبلدي : صافينار تهاجم الراقصات بسبب ملابسهن: هنبص على جسمكم ولا على الفن بتاعكم

الخميس 20/يونيو/2024 - 02:56 ص

هاجمت صوفينار الراقصات الموجودات حاليًا على ساحة الرقص الشرقي بمصر، معربة عن استيائها الشديد بسبب تصميم بدل الرقص الخاصة بهن.

وقالت صافينار في تصريحات لـ القاهرة 24: أنا بداياتي كانت بفستان عادي، حتى لو لبست البدلة بتكون مقفولة لأن المفروض الناس تركز في الفن اللي بنقدمه مش اللبس.

وأضافت صافينار: دلوقتي الراقصات بتطلع بتلبس بس وكله إغراء، الناس هتبص على الرقص ولا على جسكم، هو كل واحد حر في لبسه، بس برضو المفروض اللبس يكون مقفول.

نجوى فؤاد تهاجم الراقصات 

وسبق، وهاجمت أيضًا  الفنانة نجوى فؤاد، الراقصات الأوكرانيات وغير المصريات المتواجدات حاليًا على ساحة الرقص الشرقي بمصر، معربة عن استيائها الشديد بسبب تصميم بدل الرقص الخاص بهن والتي وصفته بالمماثل لـ المايوه البكيني.

وقالت نجوى فؤاد، في تصريحات تلفزيونية: الأوكرانيات بيصرفوا على البدل بتاعتهم كويس مع أنها عارية شوية وأنا ضد ده، أنا مش راضية عن بدل الرقص الأيام دي لأنها غير محتشمة ومش حلوة، ده بكيني مش بدلة رقص، لا دينا ولا تقليدنا ولا أخلاقيتنا تسمح تبقى كده، ولو رجع بيا الزمن مش هلبس بدلة رقص، ولا هعمل إغراء.

أعمال صافينار

يذكر أن صافينار شاركت في بطولة فيلم أنت حبيبي وبس، الذي عُرض عام 2019، وتناول العمل في إطار كوميدي، حول الفنان المشهور زيكو، الذي يضطر للزواج من بوسي، بعد أن اشترط جدهما في وصيته زواجهما للحصول على الميراث والذي يبلغ خمسة مليون جنيه، ومع تطور الأحداث يتحول ارتباطهما إلى حب حقيقي.