الأحد 16/يونيو/2024 - 08:00 ص

كشف المؤلف محمود حمدان، أكثر المواقف المحرجة التي تعرض لها في بداية مشواره الفني، مؤكدًا أن المخرج جمال عبد الحميد تسبب في إحراج كبير له.

وقال محمود حمدان، في ندوته بـ القاهرة 24: كل فنان في الرحلة بتاعته ومشواره بيقابل عقبات وتحديات، وأكتر موقف مقدرش أنساه لما كنت في البداية وحد بعتني للمخرج جمال عبد الحميد، وأنا كنت طالب عندي شغف إني أعمل حاجة، وروحت له اللوكيشن كان بيصور مسلسل وقاعد جنبه بنات ومديت إيدي أسلم عليه وهو مسلمش عليا، وحسيت بإهانة فظيعة جدًا وقالي روح للمخرج المنفذ.

واستكمل: أنا زعلت جدًا لأني كنت بحب جمال عبد الحميد كمخرج جدًا، وصعبت عليا نفسي وقتها وأخدت وقتها أقول إن هيجي اليوم اللي هنتقم، ولكن أنا عمري ما هعمل كده والعفو عند المقدرة، ولكن لو شوفته في مكان هقوله خد بالك من الموقف ده، والصغير مصيره هيكبر، واعملوا حساب لـ اللحظة اللي ممكن يأذيك فيها.

محمود حمدان

يذكر أن محمود حمدان شارك في موسم رمضان الماضي 2024، من خلال مسلسل حق عرب، بطولة الفنان أحمد العوضي، الفنانة وفاء عامر، رياض الخولي، دينا فؤاد، كارولين عزمي، أحمد عبد الله، وليد فواز، وغيرهم، والعمل من تأليف محمود حمدان، وإخراج إسماعيل فاروق، ومن إنتاج شركة سينرجي.