تصدر عروسا الشرقية، محمد وبسمة، التريند خلال الساعات الماضية عقب أزمة حفل الزفاف، الذي اعتدى خلاله العريس على عروسه في قاعة الزفاف أمام المعازيم.

وقال عريس الشرقية محمد: أنا كنت مبسوط وفي قمة سعادتي، وكنا طبيعيين جدا لحد ما دخلنا القاعة، ومع أول 10 دقائق بدأت أبص لنفسي ألاقي حاجات غريبة بتحصلي، بدأت أشد إيد العروسة وأزعقلها، وهي بدأت تسألني لي بعمل كدا لكن مكنتش بلاقي إجابة للي بيحصل دا.. ودا مش توتر، واللي كان بيحصل مني حاجات لا إرادية، ومستحملش إني أشوف حد قدامي بيعمل كدا.. وأنا اتعملي سحر واللي عمله كان راجل.

وواصل عريس الشرقية: أول ما جيت البيت أنا ومراتي ودخلنا البيت قرأنا قرآن على مياه وشربناها وبعدها بقينا كويسين.. وهناخد إجراء قانوني ضد الشخص اللي نشر الفيديو.

وأشارت بسمة عروس الشرقية، إلى أن عريسها اعتذر لأهلها في المايك عندما كانوا في حفل الزفاف، وأنهم أكملوا الفرح بشكل طبيعي، مضيفا: خالته طول الفرح قعدت تقرأ قرآن على ميه ونشربها علشان نقدر نكمل فرحنا عادي.. دي حياتنا وإحنا حرين فيها، وكل واحد يخليه في حاله، وإحنا راضيين ببعض كدا.. ومش محتاجين إننا نعمل كدا علشان التريند، وأنا متمسكة بجوزي وبحبه.