بالبلدي :
الثلاثاء 04/يونيو/2024 - 09:51 ص
كشفت التحقيقات في قضية سلمى الغازولي، تقدم عدد من الأشخاص ببلاغ رسمي، بدعوى قيام المتهمة سلمى.م.ع، وعدد من الأشخاص الآخرين، بجمع وتلقي مبالغ مالية منهم قرابة 14 مليون جنيه، وذلك بإيهامهم أنه مقابل شراء كوبونات خصم جيفت كارد التابع لشركة شي إن الخاصة بالملابس نظير حصولهم على أرباح مالية من تلك الكوبونات.
تحقيقات سلمى الغازولي
وقالت آية طارق، إحدى ضحايا سلمى الغازولي وشركائها: اللي حصل إن أنا شغالة في مجال الملابس وأنا بجيب شغل تبع شركة ملابس معروفة اسمها شي إن عن طريق وسطاء مواقع التواصل الاجتماعي، أنا بتفق معاهم على كمية من كوبونات الخصم الخاصة بالشركة دي، والمنتجات بتاعتها وبيتم دفع مبلغ مالي مقابل الكوبونات دي، وبعد كده أنا بشتغل بالكوبنات دي عن طريق استخدامها شخصيا أو بين أشخاص معرفة ليا، واللى حصل إننا بنتعامل من خلال جروبات كبيرة على فيسبوك، بيبقى أشخاصها معروفين وسابق التعامل معاهم من أشخاص كثير وفى ثقة في التعامل ومنهم المشكو في حقها سلمى مصطفى عزت، وكانت صاحبة بيدج كبيرة على فيسبوك وتم التواصل معاها للاتفاق على الشغل وكان بيتم دفع المبلغ المالي والتحصل على الكوبونات اللي بيتم الاتفاق عليها واتعاملت معاها مرة قبل كده واستملت الجيفتات، وفي خلال شهر يناير 2024 تم الاتفاق على شغل جديد وتم تحويل مبلغ مليون و575 ألف جنيه، ولكن قعدنا فترة كبيرة ومفيش حاجة اتبعتت.
ضحايا سلمى الغازولي
وأضافت إحدى ضحايا سلمى الغازولي في التحقيقات: بعد كده حاولنا نتواصل معاها وقالت إن عندها مشكلة وإن لسة أسبوع كمان وهتسلمنا الشغل وبعد كده منفذتش بردو وفضلت تدينا في مواعيد ثانية، وبعدها فوجئنا بأن تليفوناتها اتقفلت واختفت فحاولنا إننا نوصلها بعد كده جينا على أشمون لأننا عرفنا إنها من هنا وعملنا المحضر.
وأوضحت ضحية سلمى الغازولي: هي مجرد علاقة الاتفاق اللي تم من خلال وسائل التواصل الاجتماعي والجروب بتاعهم على الواتساب والموضوع بيتم عن طريق الاتفاق مع سلمى بما إنها هي رئيسة التيم، وبعد كده هي بتعرفنا نبعت الفلوس على حساب مين، الجروب بتاعها وبيتم التواصل مع حد من التيم بتاعها بردو وبيتم الاتفاق إننا ندفع مبلغ مالي مقابل إننا نحصل على كمية من الكوبونات لشركة شي إن الخاصة بالملابس علشان نستخدمها لشخصنا أو أى حد من المقربين لينا، كان في تواصل اجتماعي ومعروفة من ناس كتير سابق التعامل معاهم وفى ثقة في التعامل وهو ده اللى خلاني أتواصل معاها للا تفاق في المرة دى وتم إرسال المبلغ المالى مليون و575 ألف جنيه في خلال شهر يناير 2024.
إخلاء مسؤولية إن موقع بالبلدي يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
"جميع الحقوق محفوظة لأصحابها"
المصدر :" cairo24.com "
0 تعليق