بالبلدي : الأولى على الشهادة الإعدادية في السويس: كنت عارفة إن ربنا هيوفقني| بث مباشر

حصلت الطالبة جهاد على المركز الأول في الشهادة الإعدادية في محافظة السويس، وسط حالة كبيرة من الفرحة والسعادة على أسرتها.

وقالت الطالبة جهاد إن المجهود المبذول من قبل الطالب في الصف الثالث الإعدادي، يكون أكبر كثيرا من السنوات السابقة، مضيفة: بنضطر نحل امتحانات سابقة كتير علشان نقدر نشوف الامتحان هييجي ازاي والأسئلة ممكن تبقى إي، وكمان بنحل امتحانات السويس على مدار السنوات السابقة علشان نقدر نعرف إي التريكات اللي كانوا بيركزوا عليها.

وتابعت الطالبة، أن من ساعدها على مدار تلك السنة هي والدها ووالدتها، مضيفة: تعبوا معايا كتير على مدار السنة.

وأضافت الحاصلة على المركز الأول بالشهادة الإعدادية في السويس: كان عندي يقين بالله إني هطلع الأولى، وصدقت النية، وكنت على يقين إن ربنا هيطلعني مجبورة من السنة دي، والحمد لله ربنا وفقني وحققتها.

ومن جانبها قالت والدة الطالبة جهاد: من أول ما السنة بدأت وهي دايما بتسألني يا ماما إي الطقم اللي هلبسه وأنا بتصور مع المحافظ لما أجيب الأولى.. هي صدقت الله وربنا وفقها، وهي على مدار السنوات السابقة كانت متفوقة.