استضافت الإعلامية ياسمين عز الفنان أحمد جلال عبد القوي في برنامجها كلام الناس عبر قناة mbc مصر، وروى العديد من الأسرار في حياته وكشف سبب اختفائه.

وحكى أحمد جلال عبد القوي، رواية غريبة حدثت معه مثلما جرى في مسلسل حضرة المتهم أبي، مشيرًا إلى أنه كان يحب فتاة في النادي الذي يذهب إليه، وكانت تحبه، قائلًا: بعض أعضاء النادي كانوا بيستكتروها عليا خاصة علشان مكنتش عضو بالنادي ولما عرفوا بحبنا لبعض اتكاترواعليا وضربوني

وواصل أحمد جلال عبد القوي: كان عندي عشرين سنة، والبنت اسمها نيجار زي المسلسل بظبط، وكانت بتحبني أنا وقالوا هي بتحبه هي ليه، خاصة أني مش عضو في نادي الزمالك، لكن كنت بتمرن في النادي والبنت عضوة في النادي وأنا كنت بدخل النادي من الباب الخلفي فاستكتروها عليا، وكلت علقة حلوة وكنت عارف إني هضّرب لكن كنت عاوزها تشوفني وأنا بضّرب علشان بحبها لكن هي ما طلعتش زي نيجار في المسلسل وخافت وخدت الاتجاه التاني وبعدت ومحاربتش عليا 

وكان القاهرة 24 حاور الفنان أحمد جلال عبد القوي في أول ظهور له بعد أزمة المخدرات، وروى التجربة التي مر بها مع الإدمان وكيف خرج منها.

أحمد جلال عبد القوي: هذا سبب إدماني

وقال أحمد جلال عبد القوي في لقائه مع القاهرة 24، إنه أدمن بسبب استمرار تناوله أحد العقاقير بعد خضوعه لعملية جراحية في الظهر، حيث أوضح: خضعت لعملية كبيرة في ضهري، أتعودت بعدها على علاج معين، استخدمته حتى بعد ما وقف العلاج وأصبح اعتيادي.

وأكد أحمد جلال عبد القوي أنه خرج من التجربة بسلام، وتعلم منها قائلًا:  تجربة وعدت وربنا كرمني واشتغلت على نفسي، لأن دي مش حياتي، وأنا أتعلمت الدرس لأن في أهل كان ممكن لو حصل لي حاجة هيتأثروا.

أحمد جلال عبد القوي: ندمت لأني المفروض أكون قدوة

كما عبر أحمد جلال عبد القوي عن ندمه الشديد بعد وقوعه في الإدمان: أنا فنان مشهور والمفروض أكون قدوة ومكنش يصح أكون في موقف زي ده أبدًا، وأي حد كان بيحبني وشايفني مَثل خسرته.

وأضاف: أنا فنان وقدوة لغيري وناس وشباب بيقلدوني وكنت عايز أكون شخصية معروفة ومشهورة، ومكنش يصح أشرب مخدرات وأمشي في الطريق ده.

وأشار أحمد جلال عبد القوي إلى أن أهله هم أول من وقفوا بجانبه ولكن هناك من ابتعد عنه قائلًا: أهلي أول ناس وقفوا معايا، رغم أن كان عندهم صدمة من اللي حصلي، كل الناس اللي توقعت يقفوا جمبي محدش فيهم وقف معايا، لكن مكنش فارق لي، لأن صحابي مش كتير وصاحب الكل دايمًا وحيد.

أحمد جلال عبد القوي يكشف رحلة تعافيه من الإدمان 

كما كشف أحمد جلال عبد القوي رحلته في العلاج وذلك بعد العثور عليه في حالة إغماء بسبب تناوله لجرعة زيادة من المخدرات، مشيرًا إلى أنه ذهب إلى مصحة نفسية، بعد نصيحة من النائب العام وصديقة مقربة منه.

وأوضح أحمد جلال عبد القوي: وكيل النائب العام وقف معايا في القضية، وطلب مني بشكل شخصي أني أخرج من الأزمة واتعالج، ومن كتر ما بحترمه لحد دلوقتي حابب لما اتشاف كويس هو أكتر حد يشوفوني، لأنه عاملني باحترام وأحسن معاملة وحسيت اني عاوز ارجع أحمد تاني، وصديقتي زنت عليا وقالت لي اللي أنت فيه غلط،وأدخل مصحة نفسية والأهل دعموا الفكرة.

وكشف أحمد جلال عبد القوي مفاجأة بعد دخوله المصحة للعلاج: من برة شيك وجوة مأساة ومفيش رخصة ولا دكاترة ولا أي حاجة ومكنش معايا التليفون، وشفت العجب لحد ما كلمت أهلي وقلت مش داخل رهاب تاني لكني دخلت مكان تاني كان كويس، وكنت بتابع شغلي الخاص من جوه وخدت قرار أني اقف على رجلي تاني وشغلي كان محتاج تركيز وأهلي كان بيوحشوني وبالأخص والدي لأني متعلق به جدا.

وسبق أن انفرد القاهرة 24 بخبر دخول أحمد جلال عبد القوي مركز إعادة تأهيل حتى يتعافى من إدمان المخدرات، وأكد حينها لـ القاهرة 24 أن هذا الأمر لا يعيبه في شيء، على عكس لكنه يحاول إصلاح نفسه، بعد أن وقع ضحية المخدرات.