الجمعة 10/مايو/2024 - 07:22 ص

كشفت التحقيقات في القضية التي حملت رقم 2495 لسنة 2024 بواقعة مقتل سيدة على يد طليق ابنتها محمد. س، والمعروف إعلاميا بمدرب جيم العمرانية، بعد نشوب مشادة كلامية بينهما لرفضها عودته لطليقته التي انفصل عنها منذ عدة أشهر، بعدما صورت العلاقة الزوجية بينه وبين ابنتها وأرسلتها لشخص آخر كانت على علاقة به،  لينهي الأخير حياتها داخل شقتها ويتركها غارقة بدمائها ويلوذ بالفرار.

مدرب الجيم قاتل أم طليقته بالعمرانية

يواصل القاهرة 24 نشر التحقيقات في واقعة مدرب جيم العمرانية المتهم بقتل أم طليقته، والذي اعترف أمام جهات التحقيق قائلا: اللي حصل إني كنت متجوز شيماء وصحيت الصبح يوم 16 يناير اللي فات وإحنا متجوزين لقيت على موبايلها فيديو لعلاقة جنسية بيني وبينها كاملة، مبعوت لعشيقها على حسابه على الفيسبوك.

وأضاف: ولما قريت المحادثات اللي بينهم عرفت أنها مدياله الدهب بتاعنا وبتاع بنتي ومدياله الموبايل بتاعي اللي كنت لسه جايبه جديد وكان ضايع، وبعدين اتخانقنا وطلقتها في نفس اليوم، ومشيت ومن ساعتها وأنا جالي صدمة وتعبت.

وأكمل مدرب جيم العمرانية المتهم بقتل أم طليقته خلال التحقيقات: لقيتها رافعة عليا تمكين وقضايا، وكانت عايزة ترفع عليا قضية إني بصورها وهي معايا في العلاقة، علشان تاخد تعويض، ورفعت عليا حضانة طفل وضرب وده محصلش.

وتابع: أنا رحت عملت محضر في قسم المعصرة إن هيا كانت على علاقة بواحد تاني وقت الجواز ومن ساعة القصة دي وأنا كنت بحاول أكلمها عشان نرجع ونصلح العلاقة عشان خاطر بنتي، ويوم الواقعة رحت لهم البيت في العمرانية لقيت المجني عليها آمال أم طليقتي شيماء فتحت لي الباب ورحبت بيا ودخلت، وبعدين وإحنا قاعدين قالت لي هروح أجيب حاجة وآجي وبعدين لقيتها جايه ومعاها سكينة معرفش ليه، وحصلت مشادة بيننا.