الخميس 02/مايو/2024 - 05:14 م

كشفت التحقيقات في واقعة خطف ع. ح، نجل وزير أسبق، تفاصيل مثيرة بشأن واقعة اختطافه بالتحايل والإكراه، إذ تبين وجود علاقة صداقة بين المجني عليه والمتهم الأول عرف من خلالها المتهم أن الضحية ميسور الحال، فشكل مع باقي المتهمين تشكيلًا عصابيًا مكونًا من 10 أشخاص لخطفه.

تفاصيل مثيرة حول اختطاف نجل وزير سابق

القاهرة 24 حصل على نص التحقيقات في واقعة الخطف الشهيرة التي وقعت في أكتوبر، في القضية رقم 11917 لسنة 2023، والمقيدة برقم 2233 لسنة 2023 كلي أكتوبر.
 

وفي اعترافات المتهم الأول محمد حمدي في القضية ويعمل مدرب كمال أجسام أمام جهات التحقيق  قال إنه يعمل مدرب جيم ويعمل جلسات مساج خاصة، وكان يتفق مع زبائنه وعملائه عبر صفحة أنشأها على فيسبوك اسمها استرخاء، قائلا: فاتحها عشان لو حد عايز يعمل مساج بمقابل مادي ومن سنة تقريبا لقيت الدكتور ع كلمني وطلب إني أحدد  له جلسة مساج واتفقنا على كل حاجة ورحتله الفيلا بتاعته في بالم هيلز وعملت له المساج عادي.

وأضاف المتهم في واقعة خطف نجل الوزير الأسبق: بعدها بحوالي ثلاثة أسابيع طلب مني إني أحدد ميعاد الجلسة الثانية وفعلا رحتله الفيلا بتاعته تاني مرة وساعتها طلب مني قلع التيشيرت وقالي الله.. أنا عايز أشوف عضلات جسمك وأنا قلعت التيشرت وهو ساعتها فضل يحط أيده على عضلات صدري وبطني وحط وشه على صدري وأنا ساعتها فهمت أنه عنده ميول ورغبات تانية، وساعتها لبست هدومي وأنا ماشي لقيته مزودني الفلوس عن المرة اللي قبلها.

وأكمل مدرب كمال الأجسام المتهم بخطف نجل الوزير الأسبق: روحت وكنت في شغلي ولقيته كلمني بعدها بأربع أسابيع وطلب مني أروح له عشان عايز جلسة مساج وبقي يطلب مني جلسة كل حوالي ثلاثة أسابيع، وفي مرة لما روحت الفيلا وبدلا من جلسة المساج لقيته بيقولي أنه عايزني أقلع التيشيرت والبنطلون وطلب مني حاجات شاذة، وأنا سبته يعمل كده وبعدها أداني ألف جنيه ومشيت.

واستكمل المتهم اعترافاته قائلا: بعدها كنت كل ما اتزنق في فلوس كنت بتصل بيه وبيعت لي الفلوس وقررت استدرجه في الكلام وأخد منه فويسات واسكرينات بأنه عايزني أمارس معاه الجنس، وعايزني أعمله مساج بجسمي مش بأيدي، وأنا بعد فترة وافقت على حوار المساج ده، بعد سنة قررت أساومه على موضوع الأسكرينات والفويسات وابعتله الأسكرينات والفويسات اللي معايه واخد منه فلوس وبعدها اتفقت مع ناس صحابي اللي في أحمد عرابي، وأوهمه أني همارس معاه الجنس وبعدها أساومه واخد منه فلوس واتفقنا على كده.