السبت 16/ديسمبر/2023 - 11:45 م

تحدثت الفنانة غادة عبد الرازق، عن فكرة اعتزالها الفن، بجانب الكشف عن رأيها في الحجاب وإذا ما كان من الممكن ارتداؤه في مرحلة من مراحل حياتها المقبلة.

وقالت غادة عبد الرازق في تصريحات تلفزيونية: فكرت في الاعتزال كذا مرة وبرجع في قراري، لكن دلوقتي لأ، حتى لو عايزة اعتزل هسيب الاعتزال ييجي بطريقة ربانية مش بقرار مني، لما ربنا يقولي كفاية عليكي كده.

وتابعت غادة عبد الرازق: أنا ملتزمة دينيًا الحمد لله ومش من الشخصيات اللي بتلبس حجاب، لكن هو حاجة كويسة وأغلب أهلي محجبين، ومفيش عندنا حاجة اسمها إجبار على الحجاب.

كما علقت غادة عبد الرازق خلال حديثها، عن تصريحاتها السابقة بشأن التاتو خلال ندوتها بالقاهرة 24، قائلةً: أنا ست مسلمة ومش عيب أقول إنه حرام، وعرفت إنه حرام ومش عايزة أعمله، ومكنتش أعرف الأول إنه حرام لأني عملته وأنا صغيرة وهشيله.

أما عن سبب عدم تقديمها أعمالا كوميدية من جديد، فعلقت غادة عبد الرازق، قائلةً: بعد ما عملت أعمال تراجيدي أوي ولاقيت رد فعل الجمهور عليها حلو، مفكرتش إني أرجع للكوميدي تاني، وعينيا اتخطفت على تمثيل الدراما.

غادة عبد الرازق

وعلى جانب آخر، ستخوض الفنانة غادة عبد الرازق، السباق الرمضاني المقبل 2024، من خلال مسلسل صيد العقارب، في عمل من بطولة رياض الخولي، محمد علاء جامايكا، سيمون، فريد سيف النصر، عماد صفوت، أحمد ماهر، ميار الغيطي، سامية عاطف، مجدي بدر، أحمد ماجد، وغيرهم من الفنانين.